قر مەملەكەتتٸك حاتشىسى ەرلان قارين بٸر توپ ماڭعىستاۋلىق تۇرعىننىڭ پرەزيدەنتتٸڭ حالىققا ٷندەۋٸن قالاي قابىلداعانىن ايتتى, دەپ حابارلايدى قازاقپارات تٸلشٸسٸ.
«پرەزيدەنتتٸڭ ٷندەۋٸن مەن ماڭعىستاۋ وبلىسىندا جٷرٸپ تىڭدادىم. ەسٸمدە بٸر سەت قالىپتى. قاتارداعى پوليتسييا ٶكٸلدەرٸ, قاراپايىم تۇرعىندار, بەرٸمٸز جينالىپ, تەلەديدارعا ٷڭٸلگەن ەدٸك. دەمٸمٸزدٸ ٸشٸمٸزگە تارتىپ, ۇيىپ تىڭدادىق. سول كەزدە قاسىمداعى ادامدارعا قاراپ, كٶزدەرٸنەن كٶڭٸلدەرٸنە سەنٸم قالاي ۇيالاپ جاتقانىن كٶردٸم. پرەزيدەنتتٸڭ «مەملەكەت قۇلامايدى. مەن استانادا قالامىن» دەگەن تانىمال سٶزٸ بار عوي, وسى سٶزدەر حالىقتى شابىتتاندىردى. مەن مۇنى ەشبٸر پافوسسىز, يدەولوگييالىق ماقساتپەن نەمەسە ناسيحات رەتٸندە ايتىپ وتىرعان جوقپىن. مەن ادامداردىڭ جان دٷنيەسٸندەگٸ سەزٸمٸن, ٶزٸمنٸڭ كٶرگەنٸمدٸ ايتىپ وتىرمىن. سەنٸمدٸلٸكتەن بٶلەك, ناقتى ەرەكەتتەردٸڭ جوسپارىن, شەشٸمدەر تۋرالى ايتتى. مەملەكەت دەگەنٸمٸز وسى. بيلٸك دەگەن دە وسى», - دەگەن مەملەكەتتٸك حاتشى وسى وقيعالاردىڭ بەرٸ ەل ازاماتتارىنىڭ ساناسىندا مەملەكەت دەگەن ۇعىمنىڭ جاڭا تٷسٸنٸگٸ قالىپتاساتىنىن اتادى.
«مەن ازاماتتارىمىزدىڭ ساناسىندا جالپى مەملەكەتتٸلٸكتٸڭ مەنٸ تۋرالى جاڭا تٷسٸنٸك بەكٸدٸ دەپ ويلايمىن. مەملەكەت دەگەن بٸز, مەملەكەت دەگەن – جۇدىرىقتاي جۇمىلعان ازاماتتار. بۇعان دەيٸن مەملەكەت دەگەندٸ ٷكٸمەت, ەكٸمدٸك سيياقتى قانداي دا بٸر مەملەكەتتٸك ورگاندار دەپ قابىلداپ كەلگەن شىعارمىز. وسى كٷندەرٸ ەكٸمدٸكتەر مەن پوليتسييا ورگاندارى عيماراتتار باسىپ الىنىپ جاتقان كەزدە مەملەكەتتٸڭ سيمۆولدارى قۇلاپ جاتقانداي كٶرٸندٸ. بٸراق مەملەكەت دەگەن ەرقايسىمىزدىڭ جٷرەگٸمٸزدە, سانامىزدا بولىپ شىقتى», - دەدٸ ەرلان قارين.
