QR Prezidentiniń baspasóz hatshysy Berik Ýáli álemdegi koronavirýs jaǵdaiynyń Qasym-Jomart Toqaevtyń jumys kestesine áseri týraly suraqqa jaýap berdi, dep habarlaidy "Ult aqparat".
«Árine, koronavirýstyń álemge taralýy jaǵdaiy Memleket basshysynyń jumys kestesine de áser etti. Buǵan deiin habarlaǵanymyzdai, pandemiiaǵa qarsy aldyn-alý sharalary aiasynda Prezidenttiń qatysýy josparlanǵan birqatar sharalar toqtatyldy. Onyń ishinde Naýryzdy toilaý, Uly Otan soǵysyndaǵy Jeńistiń 75 jyldyǵyna arnalǵan parad bar. Buǵan deiin Memleket basshysy 8 naýryzǵa arnalǵan saltanatty jiyn men merekelik kontsertti de toqtatqan bolatyn. Munyń barlyǵy azamattardyń qaýipsizdigi men saýlyǵy úshin jasalýda», - dedi Berik Ýáli.
Onyń aitýynsha, Prezidenttiń halyqaralyq kezdesýler kestesine de ózgerister engizildi.
«Qazirgi ýaqytta álem boiynsha saparlar, ekijaqty jáne kópjaqty kezdesýler, kelissózder toqtatylyp jatyr. Sondyqtan, Qazaqstanda da birqatar syrtqy saiasi sharalar, onyń ishinde Dúniejúzilik saýda uiymyna múshe elderdiń ministrleriniń kezdesýi syndy jiyndar keiinge qaldyrylyp nemese toqtatylyp jatyr.
Sonymen birge, Prezidenttiń jumys kestesiniń bosap qalmaǵanyn da atap ótken jón. Pandemiia bizdiń ulttyq múddelerimizdi qozǵaityn ekonomikaǵa, qarjyǵa jáne halyqaralyq qatynastarǵa yqpal etýde. Sondyqtan Memleket basshysy jańa synaqtar men qaýip-qaterler jaǵdaiyndaǵy eldiń strategiialyq damý máselelerin sheshýge mán berip otyr. Sonymen birge, ol jedel áreket etýge kóbirek kóńil bóledi: jinalystar men kezdesýler ótkizedi, jaǵdaidy qadaǵalaidy jáne tiisti vedomstvolardyń jumysyn turaqty baqylaýda ustap otyr», - dedi B. Ýáli.
