Prezidenttik jastar kadr rezervine iriktelgen mamandardyń 60 paiyzy eńbekpen qamtyldy. Bul týraly QR Memlekettik qyzmet isteri agenttiginiń tóraǵasy Darhan Jazyqbaev málim etti, dep habarlaidy QazAqparat.
«Agenttik strategiialyq qujattardy, Memleket basshysynyń tapsyrmalaryn, Prezident joldaýlarynda qoiylǵan negizgi mindetterdi júzege asyrý boiynsha júieli jumys istep keledi. Ótken jyly agenttik memlekettik apparat qyzmetin ońtailandyrý, memlekettik qyzmetshilerdiń áleýmettik jaǵdaiyn jaqsartý, memlekettik qyzmetke neǵurlym básekege qabiletti jáne daryndy jastardy tartýǵa baǵyttalǵan birqatar is-sharalardy júzege asyrdy. 2021 jyly agenttik prezidenttik jastar kadr rezervine kezekti irikteý ótkizip, qorytyndysynda rezervke 50 adam qabyldandy. Alǵash ret prezidenttik jastar kadr rezervi 2019 jyly uiymdastyrylyp, 300 maman iriktelgen edi. Qazirgi ýaqytta 350 adamnyń 209-y iaǵni 60 paiyzy jumysqa ornalastyryldy», - dedi Darhan Jazyqbaev agenttiginiń keńeitilgen alqa otyrysynda.
Sondai-aq, agenttik tóraǵasy atalǵan baǵyttaǵy jumystyń jalǵasatynyn jáne aldaǵy ýaqytta óńirlerdiń belsendiligine mán beriletinin aitty.
«Prezidenttiń tapsyrmasyna sáikes kadrlardy iriktek júiesin jetildirý jáne memlekettik qyzmetten shyǵý tártibin jeńildetý boiynsha shara qolǵa alyndy. Bizge kadrlardy irikteýdiń ashyq ári ádil júiesin qalyptastyrý qajet. Memlekettik qyzmet salasyn damyta túsý úshin agenttik «E-qyzmet» júiesin jańǵyrtý jumysyn júrgizip jatyr», - deidi ol.
Aita keteiik, elordada onlain formatta QR Memlekettik qyzmet isteri agenttiginiń keńeitilgen alqa otyrysy ótip jatyr.
