Prezidenttik jastar kadr rezervine irikteýdiń kelesi kezeńine 904 qatysýshy ótti, dep habarlaidy "Ult aqparat" Memlekettik qyzmet isteri agenttigine silteme jasap.
Prezidenttik jastar kadr rezervi úmitkerleriniń «Qabiletterin testileý» kezeńi aiaqtaldy. 24 saǵat ishinde úmitkerler kúrdeli mátindik jáne sandyq aqparatty taldaý qabiletterin anyqtaýǵa baǵyttalǵan testini tapsyrdy.
Árqaisysy 25 tapsyrmadan turatyn verbaldy jáne sandyq testige 25 minýttan berildi. Bul kezeńde qatysýshylar shekteýli ýaqyt ishinde mátindik materialdar men qujattardy taldady, sandyq kórsetkishteri bar diagrammalarmen, kestelermen jumys jasady. Tapsyrmalar barynsha zeiindi jáne analitikalyq qabiletti talap etti.
Testileý verifikatsiiasyna eń joǵary ball jinaǵan 904 qatysýshy jiberildi.
Sandyq jáne verbaldy testilerdiń kúrdeliligi úzdik úmitkerlerdi irikteýge múmkindik berdi. Belgilengen talaptarǵa sáikes, testileýdi verifikatsiialaýǵa qabiletterin testileý kezinde eń joǵary ball jinaǵan 1 000 adamnan aspaityn kandidattar jiberiledi.
Qazirgi ýaqytta testileýdiń kelesi kezeńi – testileýdi verifikatsiialaýǵa jiberilgender tizimi - Memlekettik qyzmet isteri agenttiginiń resmi saitynda jáne pkrezerv.kz onlain-platformasynda jariialandy.
Esterińizge sala keteiik, irikteýge qatysý úshin alǵashqy tirkeýden 13 212 adam ótti, onyń ishinde qyrkúiek aiynyń sońyna deiin 7 312 úmitker tirkeý rásimin tolyǵymen aiaqtady.
Testileýge 5 745 úmitker qatysty. Testileýdi verifikatsiialaý 19 qazanda ótedi. Ony ótý úshin úmitkerlerge vebkamerasy men mikrafony bar statsionarlyq kompiýter nemese uqsas garnitýrasy bar noýtbýk qajet.
