Prezidenttik jastar kadr rezervine qatysýshylardy tirkeý aiaqtaldy. 1 qyrkúiekten 1 qazanǵa deiin kadr rezervine qatysýǵa 8 638 adam ótinim berdi, dep habarlaidy QazAqparat QR Memlekettik qyzmet isteri agenttigine silteme jasap.
Ótinim bergen 8 638 qatysýshynyń arasynda 5133 er adam jáne 3505 áiel bar.
Megapolister boiynsha Nur-Sultan qalasynan 1540, Almatydan – 490, Shymkent qalasynan – 688 úmitker qujat tapsyrǵan.
Al óńirler arasynda Almaty oblysy – 655, Jambyl oblysy – 567, Túrkistan oblysy – 564 jáne Qostanai oblysy – 463 úmitkermen aldyńǵy qatarda tur.
Odan keiin Qyzylorda oblysy – 435, Qaraǵandy oblysy – 428, Atyraý – 397, Aqtóbe – 365, Mańǵystaý – 348, BQO – 347, ShQO – 324, SQO – 308 jaiǵasqan jáne eń az úmitker ázirge Pavlodar oblysynda – 286.
Sondai-aq, biyl Prezidenttik jastar kadr rezervine Qazaqstannan bólek, 14 memlekettegi qazaqstandyqtar tirkelgen.
Atap aitqanda, AQSh-tan 6, Túrkiiadan – 3, Grýziiadan – 3, Ulybritaniiadan – 2, Birikken Arab Ámirlikterinen – 2, Singapýrden – 2 jáne Bolgariia, Ońtústik Koreia, Belgiia, Resei, Kanada, Ózbekstan, EO, Izrail elderinen 1 úmitkerden ótinim bergen.
Kadrlyq rezerv baǵyttary boiynsha «Memlekettik basqarýdy damytý» - 2708 úmitkermen kósh bastap tur.
Odan keiin «Bilim berý júiesin damytý» bóligi – 2303, «Óńirlik damý» – 1590, Ulttyq ekonomika men syrtqy saýdany damytý – 791, «Jańa áleýmettik saiasat» - 511 baǵyttary jaiǵasqan.
Eń az úmitker «Ishki saiasatty jetildirý» (449) jáne «Densaýlyq saqtaý júiesin damytý» (286) baǵyttarynda baiqalady.
