Memlekettik qyzmet isteri agenttiginiń ókilderi Singapýrde oqý kýrsynan ótti. Bul týraly "Ult aqparat" agenttikke silteme jasap habarlaidy.
Memlekettik qyzmet salasyndaǵy Astanalyq habtyń qoldaýymen Singapýrdyń Memlekettik qyzmet kolledjinde ótken «8th Temasek Foundation International Governance & Public Administration Programme» oqytý kýrsyna qatysty.
Singapýrdyń ekonomikasy 2019 jylǵy Dúniejúzilik ekonomikalyq forýmnyń Jahandyq básekege qabilettilik indeksine sáikes álemdegi eń básekege qabiletti dep tanylǵandyqtan, bul eldiń memlekettik basqarý jáne memlekettik qyzmetiniń tájiribesin zerdeleý Agenttik úshin erekshe qyzyǵýshylyq týdyrady.
Aziia – Tynyq muhit aimaǵynyń 9 elderiniń, sonyń ishinde Qytai jáne Úndistannyń qatysýymen ótken baǵdarlama barysynda qazaqstandyq «Prezidettik jastar kadr rezervi» jobasy tanystyryldy. Qatysýshylardy Prezidettik jastar kadr rezervin qurý, irikteý úrdisteri men olardyń ashyqtyǵy, Qazaqstannyń talantty jastardy memlekettik qyzmetke tartý boiynsha tájiribesi qyzyqtyrdy.
Sapar aiasynda Agenttik ókilderi Singapýrdyń memlekettik qyzmettiń adami kapitalyn damytý mindetin atqaratyn Singapýr Premer - Ministri Keńsesiniń joǵary laýazymdy tulǵasy Lim Pýai-Se hanymmen ekijaqty kezdesý ótkizdi.
Lim Pýai-Se hanym Prezidenttik jastar kadr rezervin qalyptastyrýdyń ózektiligin atap ótip, talanttar pýlyn qurý boiynsha Singapýrdyń tájiribesimen bólisti.
Lim Pýai-Se hanymnyń aitýynsha, Prezidenttik jastar kadr rezervin qurý barysynda rezervisterdiń bastamalary men jobalaryn, memlekettik basqarýdaǵy jańa tásilderin memlekettiń damýy igiligine engize otyryp, olardyń áleýetin keńinen qoldaný qajet.
Esterińizge sala keteiik, «Prezidenttik jastar kadr rezervin» qurýdyń maqsaty jastar úshin tiimdi ári ashyq áleýmettik lift qurý bolyp tabylady.
