Prezidenttik jastar kadr rezervi úmitkerlerine qoiylatyn basty talaptardyń biri memlekettik tildi bilý jáne meńgerý. Bul týraly QR Prezidenti janyndaǵy Memlekettik basqarý akademiiasynyń rektory Erlan Ábil málim etti, dep habarlaidy QazAqparat.
«Biylǵy Prezidenttik jastar kadr rezervine irikteýdegi jańashyldyqtyń biri úmitkerdiń memlekettik tildi bilý deńgeiin rastaýy. Rezerv kandidatynda memlekettik tildi bilý deńgeiin rastaityn Qaztest nemese Qazaq Resmi Test sertifikaty bolýy shart. Qaztest synaǵynan oflain formatta ótý qajet bolsa, Qazaq Resmi Test-ti úmitkerler ózderine yńǵaily ýaqytta onlain túrde tapsyra alady. Ol úshin veb-kamerasy, mikrofony jáne interneti bar kompiýter bolýy kerek. Sondai-aq, úmitkerler Memlekettik basqarý akademiiasynda Qazaq Resmi Test-ti tapsyrý úshin arnaiy daiyndyq kýrsynan ótý múmkindigi bar. Onyń uzaqtyǵy 36 saǵat jáne quny 33 876 teńge teńge», - dedi Erlan Ábil OKQ-de onlain ótken baspasóz máslihatynda.
Sonymen qatar, akademiia basshysy úmitkerler qrt.kz saity arqyly qazaq tilin meńgerý deńgeiin rastai alatynyn eske saldy.
