Foto ©Týrar Kazangapov, Tengrinews.kz
QR Memlekettik qyzmet isteri agenttiginiń tóraǵasy Darhan Jazyqbaev Qazaqstanda Prezidenttik jastar kadrlyq rezervine kelesi irikteý 2023 jyly ótetinin aitty, - dep habarlaidy Tengrinews.kz saity.
"Biyl biz Prezidenttik jastar kadrlyq rezervine kezekti irikteý ótkizemiz. Moiyndaý kerek, rezervshilerdi jumysqa alýda túrli qiyndyqtar týyndaidy. Sebebi, keibir memlekettik organdarda 10 rezervshi taǵaiyndalsa, basqa organdarda birde-bir qyzmetker joq. Áleýmettik mańyzy bar salalarda - densaýlyq saqtaý, energetika, bilim berý salalaryndaǵy rezervterdiń sany mardymsyz. Osyǵan bailanysty rezervtegi salalyq toptardy qarastyramyz. Kandidattarmen áńgimelesý salalyq memlekettik organdar men mamandardyń qatysýymen ótedi", - dedi Darhan Jazyqbaev.
Onyń aitýynsha, qazirgi tańda óńirlerge daryndy jastardy tartýǵa kóp kóńil bólinip jatyr. Elimizdiń barlyq aimaqtarynan kadrlyq rezervter qurý josparlanyp otyr.
Jazyqbaev jeltoqsanda rezervten shyǵarý tártibin qarastyratyn qaýly qabyldanǵanyn atap ótti.
