Prezidenttik jastar kadr rezervine kirgen Nuraly Bókeihanov «Atameken» QR UKP Apparat jetekshiligine taǵaiyndaldy, dep habarlaidy "Ult aqparat" Palatanyń baspasóz qyzmetine silteme jasap.
«2019 jyldyń jeltoqsan aiynda Nuraly Bókeihanov Prezidenttik jastar kadr rezerviniń músheligine kirdi. «Atameken» QR UKP basshylyǵy Nuraly Bókeihanovty UKP Apparat jetekshiligine taǵaiyndady», - delingen habarlamada.
N.Bókeihanov 2013 jyly Lankaster Ýniversitetiniń menedjment mektebinde qarjylyq basqarý magistri atandy. «Bolashaq» prezidenttik baǵdarlamasynyń stipendiaty.
Óziniń eńbek qyzmetin Nuraly Álimuly jeke sektordan bastaǵan. Ulttyq palatada onyń qurylǵan kúninen beri eńbek etip keledi. Nuraly Bókeihanovtyń sheteldegi jetekshi oryndarda alǵan bilimi, qytai jáne aǵylshyn tilderin jetik bilýi onyń dimlomatiialyq qyzmetke kásibi deńgeide, tereń aralasýǵa múmkindik berdi. Ol qatardaǵy sarapshydan joǵary býynnyń jetekishiligine deiin jetken bilikti maman.
Aita keteiik, Ulyqtaý rásiminde Memleket basshysy Qasym-Jomart Toqaev Prezidenttik kadrlyq rezerv qurylatynyn málimdedi. Al tamyz aiynyń sońynda Q.Toqaevtyń Jarlyǵymen QR Prezidentiniń janyndaǵy Jastar kadr rezervi jónindegi ulttyq komissiia quryldy. Osy jyldyń qyrkúiek aiynda Prezidenttik jastar kadr rezervine ótinim qabyldaý bastaldy.
Sonymen qatar, Prezidenttik jastar kadr rezervine engen 300 qazaqstandyq anyqtaldy jáne jeńimpazdardyń ortasha jasy 31-de.
Joba jeńimpazdarynyń tolyq tizimin Prezidenttik jastar kadr rezerviniń resmi saitynan kórýge bolady.
