Memleket basshysynyń tapsyrmasyna sáikes aǵymdaǵy jyly Prezidenttik jastar kadr rezervine 50 rezervshi irikteletin bolady. Bul týraly "Ult aqparat" Memlekettik qyzmet isteri agenttigine silteme jasap habarlaidy.
Qujattardy qabyldaý aǵymdaǵy jyldyń 1 qyrkúieginen bastap pkrezerv.gov.kz tsifrlyq platformada onlain rejimde bastalǵan bolatyn. Qujattardy qabyldaýdyń eki kúni ishinde irikteýge qatysýǵa 1251 ótinim kelip tústi. Qujattardy qabyldaý 30 qykúiekke deiin jalǵasady.
Prezidenttiń 2021 jylǵy 29 tamyzdaǵy № 141 Jarlyǵymen belgilengen talaptarǵa sáikes irikteýge 35 jastan aspaǵan, joǵary bilimi jáne 5 jyldan kem emes jumys ótili bar, sondai-aq memlekettik tildi ortadan tómen emes deńgeide biletin Qazaqstan Respýblikasynyń azamattary qatysa alady. Rezervte bolý merzimi - 3 jyl.
Rezervshini bos memlekettik laýazymǵa taǵaiyndaý qoldanystaǵy zańnamaǵa sáikes júzege asyrylatyn bolady.
