Prezidenttik ádebi syilyq taǵaiyndaý máselesi pysyqtalyp jatyr. Bul jaiynda Senat depýtattarynyń saýalyna berilgen QR Premer-Ministriniń orynbasary Eraly Toǵjanovtyń jaýabynda aitylǵan, dep habarlaidy QazAqparat.
«Jas qazaqstandyq jazýshylar men aqyndardy qoldaý úshin Prezidenttik ádebi syilyq taǵaiyndaý máselesi pysyqtalýda. Qazirgi ýaqytta Memleket basshysynyń tiisti Jarlyq jobasy múddeli memlekettik organdarmen kelisilýde. Prezidenttik syilyq «Proza», «Poeziia», «Dramatýrgiia», «Balalar ádebieti» nominatsiialary boiynsha buryn-sońdy jaryq kórmegen shyǵarmalary úshin Qazaqstan Respýblikasynyń 18-29 jas aralyǵyndaǵy azamattaryna tabystalatyn bolady», - dep atap ótedi Premer-Ministrdiń orynbasary.
Eraly Toǵjanovtyń atap ótýinshe, otandyq ádebietti qoldaý úshin qoldanystaǵy zańnamada jetkilikti tetikter qarastyrylǵan.
