Memleket basshysy Qasym-Jomart Toqaev Ekologiia, geologiia jáne tabiǵi resýrstar ministri Serikqali Brekeshevti qabyldady, dep habarlaidy "Ult aqparat" Aqordaǵa silteme jasap.
Qasym-Jomart Toqaevqa ministrliktiń biylǵy atqarǵan jumystarynyń negizgi qorytyndylary men damý perspektivalary, sondai-aq Memleket basshysynyń Joldaýy aiasynda berilgen tapsyrmalardyń iske asyrylý barysy týraly esep berildi.
Serikqali Brekeshev Memleket basshysyna elimizdegi ekologiialyq ahýaldy jaqsartý úshin qabyldanyp jatqan sharalar men sý salasyn damytý jospary týraly baiandady. 2025 jylǵa deiingi «Jasyl Qazaqstan» ulttyq jobasy aiasynda elimizdiń 6 oblysynda jalpy quny 1,7 milliard teńge bolatyn 9 sý qoimasy salynady. Sondai-aq Sý sharýashylyǵy komitetiniń, aýmaqtyq basseindik inspektsiialardyń qyzmetin kúsheitý kózdeledi.
Kezdesý barysynda geologiia salasyn damytý máselelerine erekshe nazar aýdaryldy. Ministrdiń aitýynsha, jer qoinaýyna júrgiziletin memlekettik geologiialyq zertteý jumystary jandandyrylyp jatyr. Shamamen 684 sharshy shaqyrym jer qoinaýyn zertteý josparlanyp otyr. Sonymen qatar Ulttyq geologiialyq qyzmet qurylady.
Prezidentke aýqymdy kógaldandyrý jumystary jónindegi tapsyrmanyń oryndalý barysy týraly esep berildi. Serikqali Brekeshev biyl 62 myń gektar jerge 130 million kóshet egilgenin aitty. Bul baǵyttaǵy jumystar jalǵasa beredi.
