مەملەكەت باسشىسى قاسىم-جومارت توقاەۆ ەكولوگييا, گەولوگييا جەنە تابيعي رەسۋرستار مينيسترٸ سەرٸكقالي برەكەشەۆتٸ قابىلدادى, دەپ حابارلايدى "ۇلت اقپارات" اقورداعا سٸلتەمە جاساپ.
قاسىم-جومارت توقاەۆقا مينيسترلٸكتٸڭ بيىلعى اتقارعان جۇمىستارىنىڭ نەگٸزگٸ قورىتىندىلارى مەن دامۋ پەرسپەكتيۆالارى, سونداي-اق مەملەكەت باسشىسىنىڭ جولداۋى اياسىندا بەرٸلگەن تاپسىرمالاردىڭ ٸسكە اسىرىلۋ بارىسى تۋرالى ەسەپ بەرٸلدٸ.
سەرٸكقالي برەكەشەۆ مەملەكەت باسشىسىنا ەلٸمٸزدەگٸ ەكولوگييالىق احۋالدى جاقسارتۋ ٷشٸن قابىلدانىپ جاتقان شارالار مەن سۋ سالاسىن دامىتۋ جوسپارى تۋرالى باياندادى. 2025 جىلعا دەيٸنگٸ «جاسىل قازاقستان» ۇلتتىق جوباسى اياسىندا ەلٸمٸزدٸڭ 6 وبلىسىندا جالپى قۇنى 1,7 ميلليارد تەڭگە بولاتىن 9 سۋ قويماسى سالىنادى. سونداي-اق سۋ شارۋاشىلىعى كوميتەتٸنٸڭ, اۋماقتىق باسسەيندٸك ينسپەكتسييالاردىڭ قىزمەتٸن كٷشەيتۋ كٶزدەلەدٸ.
كەزدەسۋ بارىسىندا گەولوگييا سالاسىن دامىتۋ مەسەلەلەرٸنە ەرەكشە نازار اۋدارىلدى. مينيستردٸڭ ايتۋىنشا, جەر قويناۋىنا جٷرگٸزٸلەتٸن مەملەكەتتٸك گەولوگييالىق زەرتتەۋ جۇمىستارى جانداندىرىلىپ جاتىر. شامامەن 684 شارشى شاقىرىم جەر قويناۋىن زەرتتەۋ جوسپارلانىپ وتىر. سونىمەن قاتار ۇلتتىق گەولوگييالىق قىزمەت قۇرىلادى.
پرەزيدەنتكە اۋقىمدى كٶگالداندىرۋ جۇمىستارى جٶنٸندەگٸ تاپسىرمانىڭ ورىندالۋ بارىسى تۋرالى ەسەپ بەرٸلدٸ. سەرٸكقالي برەكەشەۆ بيىل 62 مىڭ گەكتار جەرگە 130 ميلليون كٶشەت ەگٸلگەنٸن ايتتى. بۇل باعىتتاعى جۇمىستار جالعاسا بەرەدٸ.
