Qazaqstan Prezidenti Qasym-Jomart Toqaev Surbana Jurong tobynyń bas direktory Vong Heang Faindy qabyldady, dep habarlaidy "Ult aqparat" Aqordanyń baspasóz qyzmetine silteme jasap.
Memleket basshysynyń singapýrlyq Surbana Jurong kompaniiasynyń bas direktory Vong Heang Fainmen kezdesýinde Almaty aglomeratsiiasyn damytýǵa qatysty investitsiialyq jobalardy júzege asyrýdyń perspektivalary talqylandy.
Prezidentke kompaniianyń Almaty oblysyndaǵy «G4 City» dep atalatyn jańa tórt qalanyń qurylysyn otandyq investorlarmen seriktese otyryp júrgizý jónindegi jospary tanystyryldy. Qazirgi ýaqytta «G4 City» qurylysynyń jobasyn iske asyrý jónindegi jol kartasy men Master-jospar ázirlengen. Bul Jol kartasy qala qurylysynyń qujattaryn daiyndaý, injenerlik jáne áleýmettik infraqurylym, qolaily investitsiialyq klimat qalyptastyrý máselelerin qamtidy.
Qasym-Jomart Toqaev Singapýrmen investitsiialyq yntymaqtastyqty nyǵaitýdyń strategiialyq mańyzyna toqtalyp, atalǵan joba boiynsha sheteldik seriktesterge memleket tarapynan qoldaý kórsetiletini týraly aitty.
