QR Prezidenti janyndaǵy QSZI bólim basshysy Ásel Nazarbetova Memleket basshysynyń jańa Joldaýyna qatysty pikir bildirdi, dep habarlaidy QazAqparat.
«QR Prezidenti Qasym-Jomart Toqaevtyń kezekti Qazaqstan halqyna Joldaýy QR Parlamenti sessiiasynyń jańa maýsymynyń ashylýynda jariialanýy dástúrge ainalyp otyr. Bul óz kezeginde jańa saiasi maýsymdy jańa mindetter kútip turǵanyn, olardyń júzege asyrylýyna biliktiń barlyq tarmaqtary jaýapty ekenin ańǵartady jáne halyqtyń ortalyq memlekettik organdar jumysyn baǵalaýy kóp jaǵdaida Joldaýdaǵy tapsyrmalardyń tiisti deńgeide oryndalýymen tikelei bailanysty. Biylǵy Joldaýdyń basty ózegi byltyrdan beri órshýin toqtatpai turǵan pandemiiadan keiingi ekonomikalyq damý, halyqtyń ál-aýqatyn ary qarai da jaqsartý boldy, jańa jaǵdaidaǵy Qazaqstannyń is-qimyldaryna jan-jaqty kóńil bólinip, damýdyń bir-birimen tyǵyz bailanystaǵy basym baǵyttary usynyldy», - deidi sarapshy.
Onyń aitýynsha, Memleket basshysynyń elimizdiń strategiialyq maqsaty retinde Ortalyq Aziia aimaǵyndaǵy kóshbasshy rólin nyǵaitý, álemdik ekonomikada óz ornyn aiqyn bekitý dep atap ótýi – osy baǵyttaǵy táýelsizdiktiń 30 jylynda jetken jetistikterdi odan ári jetildirý, qazirgi jahandyq saiasatta qalyptasqan ahýalǵa ýaqytyly, jedel jáne kásibi túrde toitarys berý qajettigin kórsetedi.
«Aýǵanstandaǵy jaǵdai jáne jahandyq shielenistiń jalpy artýy qorǵanys-ónerkásiptik keshen men áskeri doktrinany qaita júkteý mindetin qoidy. Qorǵanys qabiletin nyǵaitý, tiimdilikti arttyrý, qaterlerge qarsy áreket etý de memlekettik mańyzy bar basymdyqtarǵa ainalýy tiis «, - dedi Q.Toqaev Qazaqstan halqyna jyl saiynǵy Joldaýynda. Osyǵan deiingi Áskeri doktrina 2017 jyly bekitilgen bolatyn. Aýǵanstandaǵy qazirgi ahýal jalpy álemniń, sonyń ishinde qazaqstandyq qoǵamnyń da alańdaýshylyǵyn týdyrýda. Bul elde beibitshilik pen turaqtylyqtyń ornaýyna Ortalyq Aziia aimaǵyndaǵy elder múddeli. Aita keterligi, bolyp jatqan oqiǵalar Qazaqstanǵa tikelei qaýip tóndirmeidi, biraq, árine, olar belgili bir táýekelderdi týdyrady. Bul óz kezeginde elimizdiń jaǵdaidyń kúrdeli sipatta órbýine daiyn bolýyn talap etedi, Qazaqstannyń jáne aimaqtyń qaýipsizdigine syrtqy syn-qaterlerdi modeldeýdiń ózektiligin baiqatady», - deidi Á. Nazarbetova.
