Qazaqstan Prezidenti Qasym-Jomart Toqaev memleket "jasyl" investitsiialardy damytý jáne tiisti jobalardy iske asyrýǵa baǵyttalǵan múmkindikterdi keńeitýdi josparlap otyrǵanyn atap ótti, dep habarlaidy Sputnik Qazaqstan.
"Ekologiialyq problemalar jahandyq sipatqa ie jáne álemniń barlyq derlik elderine, sonyń ishinde Qazaqstanǵa da áser etti. Máselen, byltyr ózenderdegi jaýyn-shashyn men taiaz sýdyń azdyǵynan kóptegen sharýalar qurǵaqshylyqtan zardap shekti. Jaiyq transshekaralyq ózeni qiyn jaǵdaida. Bizdiń memleketterimizdiń turaqty damýy úshin osyndai uzaq merzimdi syn-qaterlerdi birlesip sheshý kerek dep sanaimyn", - dedi Toqaev Peterbýrg halyqaralyq ekonomikalyq forýmynda sóilegen sózinde.
Sondai-aq, Memleket basshysy "tuiyq tsikldi ekonomika" - tsirkýliarlyq ekonomika qaǵidattaryn engizý áleýetin baiypty qarastyrǵan jón ekenin atap ótti.
"Biz jalpy ishki ónimniń energiia syiymdylyǵyn azaitý, jańartylatyn energetika sektoryn keńeitý jáne osy saladaǵy tranzittik shyǵyndardy azaitý boiynsha jumys istep jatyrmyz", - dedi Prezident.
Buǵan deiin ol Eýraziialyq ekonomikalyq odaq aiasyndaǵy elderdiń ekonomikasynyń barlyq áleýetin paidalaný múmkindikteri týraly aitqan edi.
Roskongress qory uiymdastyrǵan Sankt-Peterbýrg halyqaralyq ekonomikalyq forýmy 15-18 maýsym aralyǵynda ótedi. Biylǵy forýmnyń taqyryby: "Jańa álem - jańa múmkindikter".
Is-shara aiasynda sondai-aq shaǵyn jáne orta biznes, kreativti biznes, "dárilik qaýipsizdik", "PMEF Iýnior" jáne SPIEF Sport Week forýmdary josparlanǵan.
