QR Memlekettik hatshysy Erlan Qarin Ujymdyq qaýipsizdik týraly shart uiymynyń bitimgerlik kontingentin elge aldyrý qadamy týraly pikir bildirdi, dep habarlaidy QazAqparat.
«Prezidenttiń sheshimtal áreketteri elde turaqsyzdyq ornatý týraly jspardy buzdy. Onyń ishinde Ujymdyq qaýipsizdik týraly shart uiymynyń bitimgerlik kontingentin shaqyrý sheshimi de bar. Bul sózsiz. Bul jerde men keibir «sarapshylardyń» arasynda túrli spekýliatsiialardy kórip otyrmyn», - Erlan Qarin «Habar 24» telearnasyna bergen suhbatynda.
Onyń aitýynsha, Qazaqstanda bolyp jatqan jaǵdaidy syrttan ton piship, eski stereotiptermen baǵalaý úrdisi baiqalyp otyr.
«Ókinishke qarai, olar bul oqiǵalardy trafaret boiynsha baǵalaýda. Eski shablonmen baǵalaý arqyly qoǵam pikirine manipýliatsiia júrip jatyr. Qalyptasyp qalǵan stereotipter arqyly beibit qarsylyqtar men aktsiialardyń aiasyndaǵy jappai tártipsizdik dep kórsetýge tyrysýda. Onyń ústine UQShU bitimgerlik kontingentin shaqyrý taqyrybyn ýshyqtyryp jatyr. Biraq óte shetin ahýal bolǵan edi. Memlekettiń tutastyǵyn saqtaý boiynsha sonshalyq shetin ahýal týyndaǵan bolatyn», - dedi Memlekettik hatshy.
