قر مەملەكەتتٸك حاتشىسى ەرلان قارين ۇجىمدىق قاۋٸپسٸزدٸك تۋرالى شارت ۇيىمىنىڭ بٸتٸمگەرلٸك كونتينگەنتٸن ەلگە الدىرۋ قادامى تۋرالى پٸكٸر بٸلدٸردٸ, دەپ حابارلايدى قازاقپارات.
«پرەزيدەنتتٸڭ شەشٸمتال ەرەكەتتەرٸ ەلدە تۇراقسىزدىق ورناتۋ تۋرالى جسپاردى بۇزدى. ونىڭ ٸشٸندە ۇجىمدىق قاۋٸپسٸزدٸك تۋرالى شارت ۇيىمىنىڭ بٸتٸمگەرلٸك كونتينگەنتٸن شاقىرۋ شەشٸمٸ دە بار. بۇل سٶزسٸز. بۇل جەردە مەن كەيبٸر «ساراپشىلاردىڭ» اراسىندا تٷرلٸ سپەكۋلياتسييالاردى كٶرٸپ وتىرمىن», - ەرلان قارين «حابار 24» تەلەارناسىنا بەرگەن سۇحباتىندا.
ونىڭ ايتۋىنشا, قازاقستاندا بولىپ جاتقان جاعدايدى سىرتتان تون پٸشٸپ, ەسكٸ ستەرەوتيپتەرمەن باعالاۋ ٷردٸسٸ بايقالىپ وتىر.
«ٶكٸنٸشكە قاراي, ولار بۇل وقيعالاردى ترافارەت بويىنشا باعالاۋدا. ەسكٸ شابلونمەن باعالاۋ ارقىلى قوعام پٸكٸرٸنە مانيپۋلياتسييا جٷرٸپ جاتىر. قالىپتاسىپ قالعان ستەرەوتيپتەر ارقىلى بەيبٸت قارسىلىقتار مەن اكتسييالاردىڭ اياسىنداعى جاپپاي تەرتٸپسٸزدٸك دەپ كٶرسەتۋگە تىرىسۋدا. ونىڭ ٷستٸنە ۇقشۇ بٸتٸمگەرلٸك كونتينگەنتٸن شاقىرۋ تاقىرىبىن ۋشىقتىرىپ جاتىر. بٸراق ٶتە شەتٸن احۋال بولعان ەدٸ. مەملەكەتتٸڭ تۇتاستىعىن ساقتاۋ بويىنشا سونشالىق شەتٸن احۋال تۋىنداعان بولاتىن», - دەدٸ مەملەكەتتٸك حاتشى.
