Prezident Jarlyǵymen Tótenshe jaǵdailar ministrligi quryldy

QR Prezidenti Qasym-Jomart Toqaevtyń Jarlyǵymen elimizde Tótenshe jaǵdailar ministrligi quryldy, dep habarlaidy "Ult aqparat" Aqordaǵa silteme jasap.

* * * 

Qazaqstan Respýblikasynyń Tótenshe jaǵdailar ministrligin qurý týraly

Qazaqstan Respýblikasy Konstitýtsiiasynyń 44-babynyń
3) tarmaqshasyna sáikes memlekettik basqarý júiesin jańǵyrtý jáne tiimdiligin arttyrý maqsatynda QAÝLY ETEMIN:

1. Qazaqstan Respýblikasynyń Tótenshe jaǵdailar ministrligi, oǵan:

Qazaqstan Respýblikasy Ishki ister ministrliginiń tabiǵi jáne tehnogendik sipattaǵy tótenshe jaǵdailardyń aldyn alý jáne olardy joiý, Azamattyq qorǵanys, órt qaýipsizdigi, tótenshe jaǵdailardyń aldyn alý men olardy joiýdyń memlekettik júiesiniń jumys isteýin jáne odan ári damýyn qamtamasyz etý, órtterdiń aldyn alýdy jáne sóndirýdi uiymdastyrý salasyndaǵy qyzmeti;

Qazaqstan Respýblikasy Indýstriia jáne infraqurylymdyq damý ministrliginiń ónerkásiptik qaýipsizdik salasyndaǵy memlekettik saiasatty qalyptastyrý jáne iske asyrý;

Qazaqstan Respýblikasy Ulttyq ekonomika ministrliginiń memlekettik materialdyq rezervti qalyptastyrý jáne damytý boiynsha fýnktsiialary men ókilettikteri berile otyryp, qurylsyn.

1. Qazaqstan Respýblikasynyń Úkimeti:

1) Qazaqstan Respýblikasy Prezidentiniń Ákimshiligimen kelisý boiynsha qaita uiymdastyrylatyn memlekettik organdar men jańadan qurylǵan Qazaqstan Respýblikasynyń Tótenshe jaǵdailar ministrligi, sondai-aq olarǵa vedomstvolyq baǵynysty uiymdardyń arasynda shtat sanyn qaita bólýdi; 

2) osy Jarlyqty iske asyrý boiynsha ózge de sharalar qabyldaýdy qamtamasyz etsin.

3. Qazaqstan Respýblikasynyń Tótenshe jaǵdailar ministrligi beriletin fýnktsiialar men ókilettikter sheginde Qazaqstan Respýblikasynyń Ishki ister, Indýstriia jáne infraqurylymdyq damý, Ulttyq ekonomika ministrlikteri-niń quqyqtary men mindettemeleriniń mirasqory bolyp belgilensin. 

4. «Qazaqstan Respýblikasy Úkimetiniń qurylymy týraly» Qazaqstan Respýblikasy Prezidentiniń 1999 jylǵy 22 qańtardaǵy № 6 Jarlyǵyna (Qazaqstan Respýblikasynyń PÚAJ-y, 2019 j., № 22, 205-qujat) mynadai tolyqtyrý engizilsin: 

1-tarmaq mynadai mazmundaǵy jolmen tolyqtyrylsyn: 

«Qazaqstan Respýblikasynyń Tótenshe jaǵdailar ministrligi».

5. Osy Jarlyqtyń oryndalýyn baqylaý Qazaqstan Respýblikasy Prezidentiniń Ákimshiligine júktelsin. 

6. Osy Jarlyq qol qoiylǵan kúninen bastap qoldanysqa engiziledi.

Qazaqstan Respýblikasynyń

Prezidenti Q.Toqaev

Eske salaiyq, Memleket basshysy Q.Toqaev el halqyna biylǵy Joldaýynda Tótenshe jaǵdailar ministrligin qurýdy usynǵan bolatyn. 

«IIM qurylymyn beiindi emes fýnktsiialardan bosatyp, qaita qarastyrý qajet. Bul osy mańyzdy vedomstvo jumysynyń tiimdiligin arttyrady. Tabiǵi jáne tehnogendik apattar dáýirine engenimizdi eskere otyryp, Tótenshe jaǵdailar ministrligin qaita qurý qajet dep sanaimyn», - dedi Prezident.