Prezident Qasym-Jomart Toqaev Ujymdyq qaýipsizdik týraly shart uiymynyń Bas hatshysy Stanislav Zasti qabyldady, dep habarlaidy Aqorda.
Ujymdyq qaýipsizdik týraly shart uiymynyń Bas hatshysy Memleket basshysyn uiymnyń qazirgi jaǵdaiy men damý bolashaǵy týraly habardar etti. Kezdesý barysynda halyqaralyq uiym qyzmetiniń negizgi baǵyttary boiynsha aýqymdy máseleler qaraldy.
Stanislav Zas UQShU Bas hatshysynyń bitimgershilik máseleleri jónindegi arnaiy ókili institýtyn qurý týraly Qazaqstan Prezidentiniń bastamasyn iske asyrý boiynsha uiym hatshylyǵy júrgizip jatqan jumys týraly baiandady.
Qasym-Jomart Toqaev uiymnyń aldaǵy damýyna bailanysty birqatar usynystar aityp, Qazaqstan tarapynyń UQShU sheńberinde saiasi yntymaqtastyqty odan ári nyǵaitýǵa jáne onyń áleýetin arttyrýǵa daiyn ekenin atap ótti.
