Prezident Qasym-Jomart Toqaev Ulttyq bank tóraǵasy Erbolat Dosaevty qabyldady, dep habarlaidy "Ult aqparat" Aqordaǵa silteme jasap.
Memleket basshysy Ulttyq bank tóraǵasynyń biylǵy 10 aidaǵy aqsha-kredit saiasatyn iske asyrýdyń aldyn ala qorytyndysy jáne álemdegi infliatsiialyq qysymnyń kúsheiip, azyq-túlik baǵasynyń qymbattai túskeni týraly esebin tyńdady. Sonymen qatar Qasym-Jomart Toqaevqa Halyqaralyq valiýta qorynyń infliatsiiany turaqtandyrý jónindegi boljamdary, sondai-aq damyǵan elderdiń yntalandyrý saiasatynan beitarap saiasatqa kóshýine bailanysty damýshy naryqtardan kapitaldyń jylystaý qaýpi bar ekeni aityldy.
Kezdesý barysynda Úkimetpen birlesip, infliatsiiaǵa tótep berý jónindegi sharalar keshenin júzege asyrýǵa qatysty Prezident tapsyrmalarynyń oryndalý barysy, sondai-aq azyq-túlik baǵasynyń ósýi bolar-bolmas baiaýlaǵanyna bailanysty qazan aiyndaǵy jyldyq infliatsiianyń deńgeii 8,9 paiyz bolǵany týraly aqparat berildi.
Erbolat Dosaev Qasym-Jomart Toqaevqa biylǵy 9 aida qalyptasqan tólem balansynyń aldyn ala baǵalaý kórsetkishi týraly málimet usyndy. Baǵalaýǵa sáikes saýda balansynyń jaqsarýyna bailanysty tólem balansynyń tapshylyǵy 3 milliard AQSh dollaryna deiin tómendegen. Tutynýshylyq importtyń ósýi tólem balansynyń odan ári jaqsarýyn tejeidi.
Prezidentke altyn baǵasynyń qymbattaýy esebinen altynvaliýta qory aktivteriniń ósýi jóninde jáne jyl basynan beri Ulttyq qordaǵy investitsiialyq kiristiń 2 milliard AQSh dollaryna (3,44%) deiin qaita qalpyna kelgeni týraly aqparat berildi.
Ulttyq banktiń derekterine sáikes, BJZQ portfelin ártaraptandyrý nátijesinde zeinetaqy aktivteri men investitsiialyq kiris kólemi ósken.
Sonymen qatar Erbolat Dosaev Memleket basshysynyń tapsyrmasyn oryndaý maqsatynda Ulttyq tólem júiesin pilottyq rejimde iske qosýǵa daiyn ekenin jetkizdi.
Kezdesý sońynda Qasym-Jomart Toqaev Ulttyq bank tóraǵasyna birqatar naqty tapsyrma berdi.
