Salyq júiesinde qarama-qaishylyqtar bolmaýy tiis. Bul týraly Sheteldik investorlar keńesiniń 33-shi jalpy otyrysynda QR Prezidenti Qasym-Jomart Toqaev aitty, dep habarlaidy QazAqparat.
«Búkil aldyńǵy qatarly álem kómirtektik beitaraptyqqa umtylady. Bul durys ta. Doiche bank, General Electric, Cameco ERG keńestiń ózge de músheleriniń jasyl qaldyqsyz tehnologiialardy engizý jónindegi usynystary meniń olardy keńinen qoldaný tapsyrmalarymen astasyp jatyr», - dedi QR Prezidenti.
Memleket basshysy keńes múshesiniń Qazaqstanda salyq júiesin odan ary reformalaýǵa qatysty usynysyna nazar aýdarǵandyǵyn atap ótti.
«Olar sóilep jatqan kezde men birden Úkimetke bul máselemen tyńǵylyqty ainalysýǵa tapsyrma berdim. Bul jerde qarama-qaishylyqtar bolmaýy tiis. Biz salyq salýdyń tutas júiesin qalyptastyrýǵa tiispiz jáne osy turǵyda álemdik tendentsiialar men aldyńǵy qatarly elderdiń tájiribelerin jiti qadalaǵap otyrýymyz qajet», - dedi Qasym-Jomart Toqaev.
