Memleket basshysy Qasym-Jomart Toqaev Úkimet jumysyna ortasha baǵa berdi, dep habarlaidy "Ult aqparat".
"Jalpy, Úkimettiń jumysyna ortasha degen baǵa berýge bolady. Úkimet tabandylyq tanytýǵa tyrysýda. Biraq qazirgi kezeńde bosańsýǵa bolmaidy. Jumys qarqynyn barynsha kúsheitý qajet.
Jańa, tyń ádis-tásilderdi qoldaný kerek. Úkimet jedel áreket etetin operativtik shtab qana emes, naqty reformalardy usynatyn jáne júrgizetin basty memlekettik mekeme bolýy kerek.
Ekonomister, kásipkerler kóp. Shetinen bilimdi, daryndy. Biraq olardyń naqty usynystary az, tipti, joq dep aitýǵa bolady. Kúzge qarai, múmkin, kadrlyq sheshimder qabyldaý kerek bolady. Erekshe daǵdarys jaǵdaiynda bul óte qajet ekeni túsinikti" - dedi Prezident.
Aita keteiik, Úkimettiń keńeitilgen otyrysynda Toqaev Premer-ministrdiń orynbasary - Saýda jáne integratsiia ministri Baqyt Sultanov pen Aýyl sharýashylyǵy ministri Erbol Qarashókeevke, sondai-aq Ekologiia, geologiia jáne tabiǵi resýrstar ministri Serikqali Brekeshevke sógis jariialady.
