Úkimet shuǵyl arada azamattar úiden shyqpai-aq memlekettik kómek alatyn tetik ázirleý qajet. Bul týraly Tótenshe jaǵdai rejimin qamtamasyz etý jónindegi memlekettik komissiianyń otyrysynda Memleket basshysy Qasym-Jomart Toqaev aitty, dep habarlaidy "Ult aqparat".
«Tabyssyz qalǵan azamattarǵa qoldaý kórsetý boiynsha aýqymdy jumys júrgizilip jatyr. Olarǵa tótenshe jaǵdai kezeńinde 42 500 teńge mólsherinde áleýmettik tólem taǵaiyndalǵan. Áleýmettik jardemaqy alýǵa qajirdiń ózinde 1,7 mln adam, olardyń basym bóligi elektrondy túrde júgindi. Buǵan qosa, áleýmettik kómek berý tetikteriniń daiyndyǵyna kemshilik bar ekendigin aitý kerek, Vedomstvonyń jedel sheshimderi men jeke aralasqannan keiin ǵana qabyldana bastady. Ortalyq jáne jergilikti memlekettik organdardyń tarapynan da túsindirý jumystary tiimsizdigin kórsetti», - dedi Memleket basshysy.
QR Prezidentiniń atap ótýinshe, dál osy jait azamattardyń arasynda túsinbeýshilikke, ártúrli qabyldaýǵa, jergilikti jerlerdegi tártipsizdikke sebep boldy.
«Adamdar ózderin táýekelge ushyrata otyryp, esepshot ashý nemese biryńǵai áleýmettik tólem tóleý úshin bankke kezekke turdy. Sondyqtan Úkimetke jedel túrde árbir azamat úiden shyqpai-aq memleketten kómek ala alatyn qadamdyq tetikterdi ázirleýi jáne ony barlyq BAQ pen áleýmettik jelide taratýy tiis», - dedi Qasym-Jomart Toqaev.
