QR Prezidenti Qasym-Jomart Toqaev Túrkistandaǵy qonaq úide bolǵan órtten zardap shekken IIM qyzmetkerleriniń tez saýyǵyp ketýin tiledi. Bul týraly ol Twitter-degi paraqshasynda jazdy.
«Túrkistandaǵy qonaq úide bolǵan órtten zardap shekken IIM qyzmetkerleriniń tez saýyǵyp ketýin tileimin. Olardyń eren eńbekteri memlekettik nagradalarǵa laiyq» delingen habarlamada.
Aita keteiik, 10 qyrkúiek kúni Túrkistan qalasynda ornalasqan «Royal Grand» qonaqúiinde oryn órt shyǵyp, saldarynan barlyǵy 11 adam zardap shekken.
6 órt sóndirý qyzmetkeri meditsinalyq kómekke júgingen. 3 politsiia qyzmetkeri jáne 2 qala turǵynyna meditsinalyq járdem kórsetilgen.
Ortalyq qalalyq aýrýhanaǵa 5 zardap shegýshi jetkizildi. Olardyń tórteýi jatqyzylyp, bir azamat qaitaryldy. Jaraqat beketine 3 adam tasymaldandy.
Oqiǵa ornynda politseiler men TJQ qyzmetkerleri jumys istep, tilsiz jaýdy aýyzdyqtady.
