Qasym-Jomart Toqaev ulttyq analitikalyq jáne tsifrlyq transformatsiia ortalyqtaryn, ulttyq jobalaý ofisin qamtityn Tsifrlyq úkimet ofisiniń jumysyn bastaýǵa ruqsat berdi, dep habarlaidy Aqorda.
Tsifrlyq damý, innovatsiialar jáne aeroǵarysh ónerkásibi ministri Baǵdat Mýsin Qazaqstan Prezidentine Tsifrlyq úkimet ofisiniń negizgi mindetteri men jobalary týraly baiandady.
Ministrdiń aitýynsha, ofis jumysynyń aiasynda bastapqy taldaýdy avtomattandyrý, boljamdar men damý stsenariilerin ázirleý, qol jetkiziletin maqsatty kórsetkishterge tónetin qaýipterge monitoring jasaý jáne anyqtaý qyzmetteri, sondai-aq basqa da jumystar júzege asyrylady.
Tsifrlyq transformatsiia ortalyǵy memlekettik organdardyń jumys úderisin ózgertip, olardy tsifrlyq formatqa aýystyrýmen ainalysady.
Saýda jáne integratsiia ministrligi Memleket basshysyna Ishki jáne syrtqy saýda jónindegi taldaý platformasyn tanystyrdy.
Atalǵan platforma azyq-túlik baǵasyn onlain rejimde baqylaýǵa jáne boljaýǵa múmkindik beredi.
Tsifrlyq damý, innovatsiialar jáne aeroǵarysh ministrligi el halqynyń ekpe alý qarqynyn baqylaýǵa arnalǵan jobany tanystyrdy.
Jiyn barysynda Strategiialyq josparlaý jáne reformalar agenttiginiń tóraǵasy, Astana halyqaralyq qarjy ortalyǵynyń basqarýshysy Qairat Kelimbetov, Qarjy ministri Erulan Jamaýbaev, Densaýlyq saqtaý ministri Aleksei Tsoi jáne basqa da jaýapty tulǵalar sóz sóiledi.
