Memleket basshysy Qasym-Jomart Toqaev Tájikstannyń Madjlisi Oli Madjlisi milli tóraǵasy Rýstami Emomalidi qabyldady, dep habarlaidy Aqorda.
Qazaqstan Prezidenti qazirgi syn-qaterler jaǵdaiynda joǵary dárejede ornyqtylyq kórsetip otyrǵan qazaq-tájik yntymaqtastyǵynyń oń qarqynyn atap ótti. Buǵan memleketter basshylary deńgeiindegi belsendi saiasi dialog jáne úkimetterdiń úilesimdi jumystary septigin tigizýde.
Qasym-Jomart Toqaev óziniń Tájikstanǵa resmi saparynyń qorytyndylary boiynsha qol jetkizilgen ýaǵdalastyqtar ekijaqty bailanystardy keshendi túrde nyǵaitýdyń basty baǵdary bolatynyn aitty.
Prezident memleketter basshylarynyń tapsyrmalaryn iske asyrýda eki el úkimetteriniń belsendi jumys istep jatqanyn jáne qazirdiń ózinde naqty nátijelerdiń bar ekenin atap ótti.
Memleket basshysy Qasym-Jomart Toqaev Prezident Emomali Rahmonǵa júrekjardy sálemin jáne UQShU men ShYU-nyń jýyrda Dýshanbede ótken sammitterin sapaly uiymdastyrǵany úshin shynaiy alǵysyn joldady.
