Memleket basshysy Qasym-Jomart Toqaev Resei Prezidenti Vladimir Pýtinmen telefon arqyly sóilesti, dep habarlaidy Aqorda.
Qasym-Jomart Toqaev Vladimir Pýtindi týǵan kúnimen quttyqtap, Resei halqynyń igiligi jolyndaǵy onyń asa jaýapty memlekettik qyzmetine tabys tiledi.
Qazaqstan Prezidenti Resei kóshbasshysynyń tatý kórshilik, strategiialyq seriktestik jáne odaqtastyq rýhynda turaqty damyp kele jatqan ekijaqty qatynastardy nyǵaitýǵa qosqan úlesin joǵary baǵalady.
Qasym-Jomart Toqaevtyń pikirinshe, Vladimir Pýtinniń kúsh-jigeriniń arqasynda Resei álemdik deńgeidegi bedeldi derjavaǵa ainaldy.
Búginde Reseisiz halyqaralyq mańyzdy máselelerge qatysty eshqandai sheshim qabyldanbaidy.
Taraptar 30 qyrkúiekte ótken Qazaqstan men Resei arasyndaǵy Óńiraralyq yntymaqtastyq forýmynyń qorytyndysyna oń baǵa berdi.
Memleketter basshylary ekijaqty yntymaqtastyq máseleleri men halyqaralyq problemalar boiynsha belsendi saiasi dialogtardy jalǵastyrýǵa kelisti.
