Qasym-Jomart Toqaev EQYU Demokratiialyq institýttar jáne adam quqyqtary jónindegi biýro direktory Mateo Mekachchidi qabyldady, - dep habarlaidy "Ult aqparat" Aqordaǵa silteme jasap.
Qasym-Jomart Toqaev EQYU Demokratiialyq institýttar jáne adam quqyqtary jónindegi biýro direktory Mateo Mekachchidi qabyldady.
Qasym-Jomart Toqaev Mateo Mekachchige iltipat bildire otyryp, onyń bul sapary Eýropadaǵy qaýipsizdik jáne yntymaqtastyq uiymymen aradaǵy qarym-qatynasty nyǵaitý turǵysynan mańyzdy ekenin atap ótti.
Kezdesýde Qazaqstan men EQYU Demokratiialyq institýttar jáne adam quqyqtary jónindegi biýro arasyndaǵy demokratiiany damytý, adam quqyqtary men zań ústemdigin qamtamasyz etý salasyndaǵy yntymaqtastyqtyń jaǵdaiy men ony damytý perspektivalary talqylandy.
Prezident Qazaqstan Respýblikasyndaǵy adam quqyqtary jónindegi ýákil men Biýro arasynda qol qoiylǵan ózara túsinistik jónindegi Memorandýmdy qoldady. Onyń aitýynsha, bul qujat elimizdiń Biýromen tyǵyz seriktestikti damytýǵa daiyn ekenin jáne EQYU qundylyqtaryna beiildiligin rastaidy.
Qasym-Jomart Toqaev Biýro direktoryna Jańa Qazaqstandy qurýǵa baǵyttalǵan aýqymdy reformalardyń negizgi maqsattary men mindetteri jóninde aitty.
Mateo Mekachchi EQYU Parlamenttik Assambleiasy aiasynda Qasym-Jomart Toqaevpen qyzmettes bolǵan kezeńdi jáne budan buryn Qazaqstanǵa kelgen saparlaryn yqylaspen eske aldy.
Biýro direktory Qazaqstanmen aradaǵy yntymaqtastyqty odan ári nyǵaitýǵa ázir ekenin atap ótip, elimizben ózara belsendi is-qimyldyń damý barysyna kóńili tolatynyn aitty.
Sondai-aq ol Qasym-Jomart Toqaevtyń basshylyǵymen júzege asyrylyp jatqan aýqymdy reformalardy qoldaitynyn jáne Qazaqstan Eýropadaǵy qaýipsizdik jáne yntymaqtastyq uiymynyń mańyzdy seriktesi ekenin atap ótti.
