Qazaqstan Prezidenti Resei Federatsiiasyna jumys saparynyń ekinshi kúni Qazan qalasynda boldy, dep habarlaidy Aqorda.
Memleket basshysynyń Tatarstan Respýblikasyna sapary «Qazan Kremli» memlekettik tarihi-arhitektýralyq jáne kórkem mýzei-qoryǵyna barýdan bastaldy.
Ondaǵy kórikti jerlerdi Qasym-Jomart Toqaevqa Tatarstan Prezidenti Rýstam Minnihanov tanystyrdy.
Rýstam Minnihanov IýNESKO-nyń búkilálemdik muralarynyń tizimine engen osy biregei tarihi keshen týraly áńgimelep berdi. Qasym-Jomart Toqaev Qazan Kremli aýmaǵyndaǵy «Qul Sharif» meshiti men Blagoveshenskii soboryn aralap kórdi.
Meshitte Tatarstan Respýblikasy musylmandary dini basqarmasynyń tóraǵasy Kamil Samigýllin Quran oqydy.
Blagoveshenskii soborynda Qazaqstan Prezidenti Qazan jáne Tatarstan mitropoliti Kirilldi biyl elordada ótetin Álemdik jáne dástúrli dinder kóshbasshylarynyń sezine qatysýǵa shaqyrdy.
«Qul Sharif» meshiti Qazan handyǵynyń áigili eskertkishi – XVI ǵasyrdyń ekinshi jartysyna deiin buzylmai turǵan kóne soborly meshitti eske alý maqsatymen 2005 jyly Tatarstannyń Tuńǵysh Prezidenti Mintimer Shaimievtiń Jarlyǵyna sáikes salynǵan jáne onyń ataýy imam Qul Shariftiń qurmetine qoiylǵan.
Blagoveshenskii soborynyń irgetasy 1552 jyly orys patshasy IV Ivan Groznyidyń jarlyǵymen qalanǵan.
