Foto: Getty Images
Prezident Qasym-Jomart Toqaev tennisshi Elena Rybakinany Er-Riiadta ótken WTA qorytyndy týrnirindegi jarqyn jeńisimen quttyqtady. Memleket basshysy sportshynyń joǵary deńgeidegi sheberligin, tabandylyǵy men erik-jigerin erekshe atap ótti, dep habarlaidy Ult.kz.
«Siz tennisten jyl qorytyndysy sanalatyn bedeldi jarysta sheberliktiń ozyq úlgisin kórsetip, asqan erik-jigerdiń arqasynda jeńiske jettińiz», – delingen Prezidenttiń quttyqtaýynda.
Toqaev Rybakinanyń jeńisi elimizdegi tennistiń damýyna, jastar arasynda sporttyń bul túrin dáripteýge zor úles qosqanyn aityp, onyń jetistigin joǵary baǵalady.
Osyǵan orai Memleket basshysy sportshyny III dárejeli «Barys» ordenimen marapattaý týraly Jarlyqqa qol qoiǵanyn jetkizdi.
Prezident Elena Rybakinaǵa zor densaýlyq, baq-bereke jáne Qazaqstannyń álemdik sporttaǵy abyroiyn arttyra beretin jańa jeńister tiledi.
