Memleket basshysy Qasym-Jomart Toqaev belgili jýrnalist, mediamenedjer Batyr Qazybaevtyń dúnieden ótýine bailanysty onyń anasy tanymal qalamger, ustaz Orynsha Qarabalinaǵa kóńil aitý jedelhatyn joldady, - dep habarlaidy "Ult aqparat".
"Ardaqty ulyńyz Batyr Kákimjanuly aqparat salasynda tabysty qyzmet etip, iri mediajobalardy júzege asyrdy. Otandyq aqparattyq portaldar, radio men telearnalardyń negizin qalap, elimizdiń jýrnalistika salasynyń damýyna ólsheýsiz úles qosty. Óziniń tabiǵi qarapaiymdylyǵymen, ushqyr oilarymen jáne iskerligimen elge syily boldy. Ómirde adal eńbek etip, óz isiniń bilgir mamany retinde sońyna óshpes iz qaldyrǵan Batyr Kákimjanulynyń jarqyn beinesi umytylmaidy", – dep jazylǵan Prezidenttiń jedelhatynda.
Aita keteiik, keshe, 27 naýryzda Tengrinews.kz negizin qalaýshy jáne Alash Media Group holdinginiń basshysy Batyr Qazybaev uzaq aýrýdan keiin dúnieden ozdy. Ol 53 jasta edi.
