QR Prezidenti Qasym-Jomart Toqaev Taraz qalasynyń ákimi Qairat Dosaevty qyzmetinen bosatýdy tapsyrdy, dep habarlaidy "Ult aqparat".
«Jambyl oblysynyń ákimine Tarazdaǵy 12 jastaǵy mektep oqýshysy zardap shekken oqys oqiǵaǵa bailanysty jáne jumysynda júieli kemshilikter jibergeni úshin Taraz qalasynyń ákimin qyzmetinen bosatýdy tapsyrdym. Oblys ákimine eskertý jasadym», - dep jazdy Memleket basshysy Twitter-degi paraqshasynda.
Eske sala keteiik, politseiler 15 qarashada Taraz qalasynda kámeletke tolmaǵan qyzdy zorlaǵan 38 jastaǵy kúdiktini ustady. Oqýshy qyzdy zorlaý oqiǵasy mektep ájethanasynda bolǵan.
Osy jáittan keiin Jambyl oblysyndaǵy barlyq bilim ordalaryndaǵy qaýipsizdik sharalary kúsheitildi. Al, zardap shekken oqýshy aýrýhanaǵa jatqyzyldy.
QR BǴM oqiǵa bolǵan mektep direktory, direktordyń tárbie isi jónindegi orynbasary, fizika páni muǵalimi jáne vahterdiń qyzmetinen bosatylǵanyn jetkizdi.
Sonymen qatar Jambyl oblysy Bilim basqarmasynyń basshysy Rahiia Turmaǵanbetova óz erkimen jumystan ketip, birqatar jaýapty politsiia qyzmetkerlerine qatań sógis berilip, ýchaskelik inspektor ishki ister organdarynan shyǵaryldy.
