Prezident Qasym-Jomart Toqaevtyń Ulttyq qoǵamdyq senim keńesiniń aqpan aiyndaǵy otyrysynda aitqan taǵy bir tapsyrmasy iske asty.
Bul týraly Memleket basshysynyń baspasóz hatshysy Berik Ýáli Facebook paraqshasynda jazdy.
«Áielder men balalarǵa qarsy jasalǵan zorlyq-zombylyq qylmystardy tergeitin toptardyń quramyna arnaiy tergeýshi áielderdi engizý kerek. Bul jábirlenýshige qatysty teris áreketterdiń aldyn alýǵa múmkindik beredi», - degen bolatyn Prezident Ulttyq keńes otyrysynda.
Berik Ýálidiń jazýynsha, búginde politsiia departamentterinde turaqty jumys isteitin jedel-tergeý toptary qurylyp, olardyń quramyna tergeýshi áielder alynǵan.
«Áielder men kámeleketke tolmaǵandarǵa qatysty jasalǵan jynystyq qylmystardy ashý jáne tergeý jónindegi osyndai toptardyń jumysyn uiymdastyrý týraly ereje bekitildi. Jeke adamǵa qarsy qylmystardy tergeý jónindegi qalalyq jáne aýdandyq basqarmalardyń, sondai-aq, politsiia departamentteriniń tergeý basqarmalarynyń bólimshelerinde áielder men kámeltke tolmaǵandarǵa qatystyq zorlyq-zombylyq qylmystardy tergeý toptary quryldy. Olardyń quramyna tergeýshi áielder engizildi», - dep jazdy Prezienttiń baspasóz hatshysy.
