Memleket basshysy Qasym-Jomart Toqaevtyń tapsyrmasymen Samruk Qyzmet rekrýtingti onlain platformasy quryldy. Bul jaiynda QR Prezidentiniń baspasóz hatshysy Berik Ýáli Facebook-te jazdy, dep habarlaidy "Ult aqparat".
Aita keterligi, Memleket basshysy «Jańa jaǵdaidaǵy Qazaqstan: Is-qimyl kezeńi» atty Joldaýynda «Úkimet ónerkásip pen aqparattyq tehnologiialar salasynyń arasynda ózara tiimdi yntymaqtastyq ornatýǵa atsalysýǵa tiis. Bul ár salanyń tsifrly ekojúiesiniń qozǵaýshy kúshi bola alatyn tsifrly tehnologiia platmormalaryn qurýǵa múmkindik beredi», - degen bolatyn.
Berik Ýálidiń atap ótýinshe, osy tapsyrma aiasyndaSamruk Qyzmet rekrýtingti onlain platformasy quryldy. Atalǵan platorma «KEGOC», «QazMunaiGaz», «Qazatomónerkásip», «Qazaqstan temir joly», «Air Astana», «Qazaqtelekom», «Qazposhta» siiaqty «Samuryq-Qazyna» tobynyń 170-ten astam kompaniiasynyń bos jumys oryndaryn biriktirdi. Platforma jumysynyń barysynda 1640 adam jumysqa ornalasty, 46 891 izdenýshi tirkeldi, 6 535 bos jumys orny saitta jariialandy.
