QR Prezidentiniń baspasóz hatshysy Berik Ýáli memlekettik holdingter men ulttyq kompaniialardyń tiimdiligin anyqtaý týraly Memleket basshysy Qasym-Jomart Toqaevtyń tapsyrmasy qalai oryndalǵanyn málim etti, dep habarlaidy "Ult aqparat".
2019 jylǵy 2 qyrkúiektegi Memleket basshysy Q.J. Toqaevtyń «Syndarly qoǵamdyq dialog – Qazaqstannyń turaqtylyǵynyń órkendeýiniń negizi» atty Joldaýynda aityldy:
«Úkimet esep komitetimen birlesip, memlekettik holdingter men ulttyq kompaniialardyń tiimdiligin anyqtaý úshin taldaý júrgizýi tiis».
Oryndaldy:
- Esep komiteti jalpy kvazimemlekettik sektordyń 15 sýbektisi men oǵan qarasty 71 uiymdy tekserip, 45,2 trillion teńge kólemindegi qarjyǵa aýdit júrgizdi.
Tekseris qorytyndysy boiynsha jalpy qarjynyń 5 paiyzynda zań buzýshylyqtar anyqtalǵan, sonyń ishinde:
1) qarjylyq zań buzýshylyqtar – 0,2%;
2) aktivterdi tiimsiz josparlaý jáne paidalaný – 4,8%.
Tekserilgen kvazimemlekettik sektor sýbektileriniń tizimi:
«Samuryq-Qazyna» Ulttyq ál-aýqat qory» AQ, «Báiterek» UBH» AQ, «QazAgro» UBH» AQ, «Astana LRT» JShS», «KEGOG» AQ, «Qazaqtelekom» AQ, «Qazaqstan temir joly» UK» AQ, «Samuryq-Energo» AQ, «Aqtaý teńiz saýda porty» AQ, «Qazatomónerkásip» Ulttyq atom kompaniiasy» AQ, «Birikken himiia kompaniiasy» JShS, «Samryk-Kazyna Constraction» AQ, «QazMunaiGaz» UK» AQ, «Taý-Ken Samuryq» AQ.
Anyqtalǵan problemalar:
- rettelmegen jáne ashyq emes dividendtik saiasat;
- korporativtik basqarýdaǵy eleýli kemshilikter;
- satyp alýdyń edáýir bóligin konkýrssyz jáne kóbinese úlestes kompaniialar arqyly júzege asyrý;
- aktivterdi tiimsiz basqarý.
