Qaraǵandyda EAEO elderinen ákelingen kólikke berilgen birinshi nómer tirkeldi, dep habarlaidy "Ult aqparat".
5 aqpanda Qaraǵandy qalasynyń mamandandyrylǵan HQKO-da Reseiden ákelingen mashinaǵa alǵashqy ýaqytsha nómirdi 47 jastaǵy Aleksandr Podshibiakin aldy.
«2019 jyly shyǵarylǵan «Toyota Rav 4» avtokóliginiń qozǵaltqysh kólemi 2.0 tekshe sm. Kólik iesi memlekettik tirkeý nómirlik belgisi (MTNB), Kólik quralyn tirkeý týraly kýálik (KQTK) jáne bastapqy tirkeý úshin memlekettik baj tóledi», - dedi Qaraǵandy oblysy PD baspasóz qyzmeti.
1-4 aqpan aralyǵynda Qaraǵandy oblysynyń Mamandandyrylǵan HQO-ǵa ýaqytsha tirkeý týraly keńes alýǵa 136 avtokólik iesi júgingen. Olardyń 99-y Resei Federatsiiasynan, 27-i Armeniia Respýblikasynan, 10-y Qyrǵyzstannan jáne 1-i Belarýsten ákelingen.
Esterińizge sala keteiik, 27 qańtarda QR Ishki ister birinshi orynbasary Marat Qojaev EAEO-dan ákelinetin avtokólikterdi tirkeý erejeleri týraly áńgimeledi. Osy Erejelerge sáikes Qazaqstanda mundai avtokólikter úshin 18-shi aimaq jańa kody engizildi. IIM-de sary nómirlermen jáne 18-aimaq degen belgimen osyndai kólikterdi jalpy avtomobilder arasynan baqylap otyrý jáne esep júrgizý úshin ereksheleý týraly sheshim qabyldanǵan. Bul týraly Marat Qojaev málimdedi.
Sonymen qatar, Úkimettiń keńeitilgen otyrysynda Memleket basshysy Qasym-Jomart Toqaev Qazaqstannyń zańnamasyna sai kelmeitin sheteldik kólikterge qatysy máseleni sheshýdi tapsyrǵan bolatyn.
