Ulttyq ekonomika ministri Rýslan Dálenov QR Premer-Ministri Asqar Maminniń tóraǵalyǵymen ótken Úkimet otyrysynda Memleket basshysynyń 2020 jylǵy 10 shildedegi Úkimettiń keńeitilgen otyrysynda bergen tapsyrmalaryn iske asyrý jónindegi sharalar týraly baiandady, dep habarlaidy "Ult aqparat" primeminister.kz saityna silteme jasap.
Úkimettiń keńeitilgen otyrysynda Memleket basshysy ekonomikalyq ósýdi qalpyna keltirý, jumyspen qamtý men halyqtyń tabysyn qoldaý jóninde naqty mindetter qoidy.
Birinshi. Memleket basshysynyń ekonomika salalaryn jáne halyqty qoldaýdyń qosymsha sharalar paketin qalyptastyrý jónindegi tapsyrmasyn oryndaý úshin Úkimet pen Ulttyq Banktiń birlesken is-qimyl jospary jasalady. Jospar jobasyn Ekonomikalyq saiasat jónindegi keńeste qarastyryp, Keńes maquldaǵan jaǵdaida bekitý usynylady.
Ekinshi. Tikelei investitsiialardy tartý úshin turaqty ortany qalyptastyrý maqsatynda strategiialyq investorlar úshin sharttardy saqtaýdyń turaqtylyǵyn qamtamasyz etý boiynsha zańnamaǵa qajetti ózgerister Májilistiń qaraýyna engiziledi.
Úshinshi. Memlekettik kompaniialardyń biýdjetke dividendterdi tóleýin turaqty negizde arttyrý máselesi zerdelenedi. Júrgizilgen taldaý negizinde tiisti normativtik quqyqtyq akt ázirlenetin bolady.
Tórtinshi. Biýdjettiń kiris bóliginiń tiimdiligin arttyrý úshin salyqtyq preferentsiialar men jeńildikter taldanady.
Besinshi. Qatań biýdjet tártibin qamtamasyz etý úshin Ulttyq qordan kepildendirilgen transfert týraly zańda kepildendirilgen transfertterdiń nysanaly sipaty aiqyndalady. Tek áleýmettik máseleler men infraqurylymdyq damýǵa baǵyttalady.
Altynshy. Memleket basshysy qor naryǵyn damytýdyń mańyzdylyǵyn atap ótti. Ulttyq ekonomika ministrligi Qarjy agenttigimen, Ulttyq Bankpen jáne basqa da múddeli memlekettik organdarmen jáne uiymdarmen birlesip Prezident Ákimshiligine qor naryǵyn damytý boiynsha qabyldanyp jatqan sharalar týraly aqparat beredi.
Jetinshi. Memleket basshysynyń memlekettiń fiskaldyq jáne ekonomikalyq múddelerin qorǵaýdy qamtamasyz etý jónindegi tapsyrmasyn oryndaý maqsatynda memlekettik-jekeshelik áriptestik jobalarynyń áleýmettik-ekonomikalyq tiimdiligin arttyrý úshin memlekettik-jekeshelik áriptestik týraly zańnamaǵa tiisti ózgerister engiziledi.
Segizinshi. «Qarapaiym zattar ekonomikasy» baǵdarlamasyn tiimdi iske asyrý boiynsha biznes úshin mindettemelerdi engize otyryp, baǵdarlamanyń naqty indikatorlary men strategiialyq mindetteri aiqyndalady.
Toǵyzynshy. Kásipkerlikti damytý boiynsha biylǵy qyrkúiekte «aqyldy retteý» elementterin eskere otyryp, «Bizneske arnalǵan úkimet» biryńǵai servisin tolyqqandy iske qosylady. Kásipkerlerdiń memlekettik qoldaý men konsýltatsiialar alýyn jeńildetý maqsatynda biznes úshin «Birińǵai terezeniń» tolyq jumys isteýi qamtamasyz etiledi.
Onynshy. Memlekettik qoldaýdan barynsha nátije alý úshin, memlekettik qoldaý sharalary sheńberinde kásipkerlik sýbektileri qabyldaǵan mindettemelerdi jedel monitoringileý úshin tsifrlandyrý quraldary belsendi paidalanylady.
Jalpy, Qarjy agenttigimen jáne Ulttyq Bankpen birlese otyryp qazirgi ekonomikalyq ahýalǵa monitoring júrgizý jáne tiisti sharalardy ázirleý boiynsha jumystar júrgiziledi.
