Shyǵys Qazaqstan oblysynda Buqtyrma sý qoimasy arqyly ótetin kópir qurylysy júrgizilip jatyr.
Prezident Qasym-Jomart Toqaevtyń tapsyrmasymen Shyǵys Qazaqstandaǵy Kúrshim men Kókpekti aýdandaryn jalǵaityn «Qyzyl tý» ótkeline kópir salynatyny belgili. Biyl osy maqsatta oblystyq biýdjetten 1 mlrd teńge bólingen bolatyn.
«Búgingi tańda arnaiy tehnikalarǵa arnalǵan jol tóselgen. Dánekerleý jáne basqa da jumystardy úzdiksiz atqarý úshin baǵandar ornatylyp, elektr jelisi tartyldy. Aýyr júk tehnikalarymen jaǵalaýdaǵy aralǵa topyraq tasý jumystary júrgizilip jatyr. Sýǵa arnalǵan skvajinalar burǵylanyp, aýyzsýmen qamtylǵan. Kópir salý boiynsha jumystar bekitilgen josparǵa sáikes atqarylatyn bolady», – dep habarlady Kúrshim aýdanynyń ákimdigi.
Sondai-aq, kópir qurylysyn júrgizetin jumysshylar úshin 250 oryndyq jataqhana qalashyǵynyń qurylysy bastalǵan. Qazirde ǵimarattyń qańqasy qalanyp qoidy.
Aita keteiik, kópir qurylysy boiynsha ótken konkýrstyń jeńimpazy bolyp «OblShyǵysJol» kompaniiasy atanǵan bolatyn.
