شىعىس قازاقستان وبلىسىندا بۇقتىرما سۋ قويماسى ارقىلى ٶتەتٸن كٶپٸر قۇرىلىسى جٷرگٸزٸلٸپ جاتىر.
پرەزيدەنت قاسىم-جومارت توقاەۆتىڭ تاپسىرماسىمەن شىعىس قازاقستانداعى كٷرشٸم مەن كٶكپەكتٸ اۋداندارىن جالعايتىن «قىزىل تۋ» ٶتكەلٸنە كٶپٸر سالىناتىنى بەلگٸلٸ. بيىل وسى ماقساتتا وبلىستىق بيۋدجەتتەن 1 ملرد تەڭگە بٶلٸنگەن بولاتىن.
«بٷگٸنگٸ تاڭدا ارنايى تەحنيكالارعا ارنالعان جول تٶسەلگەن. دەنەكەرلەۋ جەنە باسقا دا جۇمىستاردى ٷزدٸكسٸز اتقارۋ ٷشٸن باعاندار ورناتىلىپ, ەلەكتر جەلٸسٸ تارتىلدى. اۋىر جٷك تەحنيكالارىمەن جاعالاۋداعى ارالعا توپىراق تاسۋ جۇمىستارى جٷرگٸزٸلٸپ جاتىر. سۋعا ارنالعان سكۆاجينالار بۇرعىلانىپ, اۋىزسۋمەن قامتىلعان. كٶپٸر سالۋ بويىنشا جۇمىستار بەكٸتٸلگەن جوسپارعا سەيكەس اتقارىلاتىن بولادى», – دەپ حابارلادى كٷرشٸم اۋدانىنىڭ ەكٸمدٸگٸ.
سونداي-اق, كٶپٸر قۇرىلىسىن جٷرگٸزەتٸن جۇمىسشىلار ٷشٸن 250 ورىندىق جاتاقحانا قالاشىعىنىڭ قۇرىلىسى باستالعان. قازٸردە عيماراتتىڭ قاڭقاسى قالانىپ قويدى.
ايتا كەتەيٸك, كٶپٸر قۇرىلىسى بويىنشا ٶتكەن كونكۋرستىڭ جەڭٸمپازى بولىپ «وبلشىعىسجول» كومپانيياسى اتانعان بولاتىن.
