Almatyda kóterme-taratý ortalyqtary qurylady. Bul týraly Óńirlik kommýnikatsiialar qyzmetinde ótken brifingte Almaty qalasy Kásipkerlik jáne investitsiialar basqarmasy basshysynyń orynbasary Damir Tazabek aitty, dep habarlaidy QazAqparat.
Eske salsaq, Memleket basshysy Qasym-Jomart Toqaev óziniń Qazaqstan halqyna arnaǵan sońǵy Joldaýynda jergilikti atqarýshy organdarǵa óndirýshilerdiń tizbegi boiynsha baǵalardy baqylaýdy qamtamasyz etýdi tapsyrǵan bolatyn.
«Biylǵy jyldyń qarasha aiynda Almaty indýstriialyq aimaǵynyń mańynda 17 gektar alańda «Ulttyq saýda-taratý jelisi» JShS taratý ortalyǵynyń qurylysyn bastaý josparlanǵan. Paidalanýǵa 2023 jyldyń basynda berilýi tiis. Jeke investor jobany memlekettik-jekeshelik áriptestik sheńberinde iske asyrady. Bul el boiynsha 24 kóterme-taratý ortalyqtarynan turatyn ulttyq taýar ótkizý júiesin qurý jónindegi jobanyń quramdas bóligi», - dedi Damir Tazabek.
Joba aiasynda investitsiia somasy 35 mlrd teńge. Bul sýarmaly jerlerde ósiriletin ónim kólemin ulǵaitýdy qosa alǵanda, jemis-kókónis ónimderi óndirisiniń ósýiniń negizgi faktory bolamaq. Bul rette azyq-túlikti saqtaýdyń, satýdyń jáne bólýdiń jańa tehnologiiasy qurylatyn bolady. Kóterme saýda ortalyqtary ónimdi saqtaý men óńdeýden bastap taratý men satýǵa deiin mamandandyrylǵan qyzmetterdi usynady.
Búginde bas merdigermen birge jobanyń jobalyq-smetalyq qujattamasy ázirlendi. Jobanyń tehnikalyq-ekonomikalyq negizdemesi memlekettik saraptamadan ótti.
