Kelesi jyldan bastap elimizdiń arhiv salasynda eńbek etetin qyzmetkerlerdiń tómengi jalaqysy 20 paiyzǵa deiin artpaq. Bul týraly QR Mádeniet jáne sport ministriniń orynbasary Ǵabidolla Ábdirahmanov málim etti, dep habarlaidy QazAqparat.
«Shynyn aitý kerek, arhiv isimen sol salaǵa berilgen adam ǵana ainalysady. Sebebi, ózińiz oilańyz jabyq, qarańǵy jerde eski qaǵazdardy qoparyp, tazalap jáne ony qalypqa keltirip otyrý kerek. Sondyqtan da bul ispen ekiniń biri ainalyspaidy. Osy oraida arhiv isi alǵa qoiylyp, mamandarǵa jaǵdai jasaý kerek dep oilaimyz. Qazirgi tańda arhiv salasyndaǵy qarapaiym mamannyń ortasha jalaqysy 60 myń teńgeniń ainalasynda. 2022 jyldyń 1 qańtarynan bastap olardyń tómengi jalaqysy 20 paiyzǵa ósedi», - dedi Ǵ. Ábdirahmanov.
Vitse-ministrdiń aitýynsha, búginde elimizde 200-ge jýyq arhiv bar.
Eske sala ketsek, Memleket basshysy Qasym-Jomart Toqaev biylǵy Joldaýynda 2022-2025 jyldary biýdjetten qarjylandyrylatyn sala qyzmetkerleriniń jalaqysyn jyl saiyn 20 paiyzǵa deiin ósirý kerektigin tapsyrǵan edi.
