Qazirdiń ózinde Prezident Joldaýy júzege asyrylyp jatyr. Nátijeleri bar. Bul týraly «Habar 24» telearnasyndaǵy «Anyǵyn aitqanda» baǵdarlamasynda QR Prezidentiniń kómekshisi Erlan Qarin málim etti, dep habarlaidy QazAqparat.
QR Prezidentiniń kómekshisi Erlan Qarinniń aitýynsha Memleket basshysynyń halyqqa joldaǵan Joldaýynda aitylǵan, berilgen tapsyrmalardy júzege asyrý maqsatynda arnaiy jalpy ulttyq jospar qabyldanady.
«Biylǵy Joldaýdy júzege asyrý maqsatynda jasalǵan baǵdarlamada 103 pýnkt bar. Osynyń ózi qujattyń qanshalyqty aýqymdy ekenin kórsetedi. Joldaýdyń jariialanǵanyna kóp ýaqyt ótpese de, júzege asyrý jumystar bastalyp ketti. Tipti, belgili nátijieler bar. Mysaly, Prezident eń tómengi jalaqyny 60 myń teńgege kóterý týraly tapsyrma berdi. Osyǵan sáikes, 2022-2024 jyldarǵa arnalǵan respýblikalyq biýdjet týraly zańǵa tiisti ózgerister daiyndalyp, Májilistegi jumys tobynda joldandy. Jaqynda plenarlyq otyrysta qaralady», - dedi Erlan Karin.
Sonymen qatar, ol Memleket basshysy ǵylym salasyn damytýǵa qatysty birqatar mańyzdy bastamalar kótergenin atap ótti.
«Osyǵan sáikes, Bilim jáne ǵylym ministrligimen ǵylym týraly zańǵa tiisti ózgerister daiyndaldy. Atap aitqanda, jetekshi ǵalymdardyń jalaqysyn bazalyq qarjylandyrýǵa qosý jáne ǵylymi zertteýmen ainalysatyn institýtyn qarjylandyrý, granttyq jobalardy 3 jyldan 5jylǵa deiin ulǵaitý siiaqty jobalar qarastyrylyp jatyr», - dedi ol.
