Prezident Qasym-Jomart Toqaev Joǵary eýraziialyq ekonomikalyq alqa májilisinde Batys Qytai – Batys Eýropa dálizin rekonstrýktsiialaýdy EAEO aýmaǵynda tolyq aiaqtaýdy usyndy, dep habarlaidy "Ult aqparat".
«Naýryz aiynda Sýets kanalynda bolǵan oqiǵa saýda joldarynyń osaldyǵyn jáne álemdik saýdaǵa qalai áser etetinin kórsetti. Atalǵan jait qurlyqtaǵy marshrýttardyń mańyzdylyǵyn dáleldedi. Eýraziia elderi ózderiniń transporttyq áleýetin tolyǵymen iske asyrýy kerek. Transshekaralyq ýchaskeler men transporttyq kúre joldardy údemeli jańǵyrtýdy qaitalap usynamyn. Atap aitqanda, Batys Eýropa – Batys Qytai búkil Eýraziialyq ekonomikalyq odaq aýmaǵynda rekonstrýktsiiasyn aiaqtaý qajet», - dedi Memleket basshysy.
