Memleket basshysy Qasym-Jomart Toqaev Prezident janyndaǵy Qazaqstannyń strategiialyq zertteýler institýtynyń direktoryn aýystyrdy, dep habarlady Aqorda.
"Memleket basshysynyń ókimimen Zarema Kaýkenqyzy Shaýkenova Qazaqstan Respýblikasynyń Prezidenti janyndaǵy Qazaqstannyń strategiialyq zertteýler institýtynyń direktory laýazymynan bosatyldy", - delingen habarlamada.
Onyń ornyna Memleket basshysynyń ókimimen Erkin Valithanuly Tuqymov taǵaiyndaldy.
Erkin Tuqymov 1973 jyly Ózbekstanda, Termiz qalasynda týǵan.
1997 jyly Varshama halyqaralyq qatynastar institýtyn úzdik bitirip, 2004 jyly QR Ǵylym akademiiasynyń Filosofiia jáne saiasattaný institýtynyń aspirantýrasyn tamamdady.
Eńbek jolyn 1997 jyly QR Prezidenti janyndaǵy Qazaqstan strategiialyq zertteýler institýty syrtqy saiasi zertteýler bóliminiń aǵa ǵylymi qyzmetkeri retinde bastady.
2000-2005 jyldary QSZI syrtqy saiasat bóliminiń meńgerýshisi.
2005-2007 jyldary Ortalyq Aziia demokratiiany damytý qorynyń bas direktory boldy.
2007-2008 jyldary QR Prezidenti ákimshiliginde aqparattyq-taldaý ortalyǵynyń strategiialyq taldaý sektorynyń meńgerýshisi, Strategiialyq ázirlemeler jáne taldaý ortalyǵynyń strategiialyq halyqaralyq yqpaldastyq sektorynyń meńgerýshisi qyzmetterin atqardy.
2008 jyldyń maýsymynda QR Syrtqy ister ministrligi Ortalyq Aziia departamenti direktorynyń orynbasary, keiinnen departament direktory boldy.
2010 jylǵy qańtar aiynda Qazaqstan Respýblikasy Qaýipsizdik Keńesi Taldaý bóliminiń meńgerýshisi boldy.
Qazaqstannyń Qazandaǵy bas konsýly laýazymyna 2018 jyly taǵaiyndaldy.
2019 jyly Qazaqstannyń Reseidegi Elshiliginiń keńesshi-elshisi boldy.
Diplomatiialyq dárejesi - Qazaqstan Respýblikasy Syrtqy ister ministrliginiń II synypty keńesshisi.
«Eren eńbegi úshin», «Qazaqstan Respýblikasynyń táýelsizdigine 20 jyl» medaldarymen marapattalǵan.
