Foto: Aqorda
Búgin Memleket basshysy Qasym-Jomart Toqaev ustazdardyń Respýblikalyq tamyz konferentsiiasynda bilim berý salasyn damytý men pedagogterdiń mártebesin kóterý máselelerine toqtaldy, dep habarlaidy Ult.kz.
Prezidenttiń aitýynsha, 2019 jyldan beri bilim salasynyń biýdjeti úsh ese ulǵaiyp, 1 millionnan astam oqýshyǵa arnalǵan 1200 mektep ashyldy. «Keleshek mektepteri» ulttyq jobasy aiasynda 217 jańa mektep salý josparlansa, onyń 128-i qazirdiń ózinde paidalanýǵa berilgen.
Sondai-aq, «Pedagog mártebesi týraly» zań qabyldanyp, «Qazaqstannyń eńbek sińirgen ustazy» ataǵy bekitildi. Búginde 74 pedagog osy qurmetke ie boldy, al eki muǵalimge «Qazaqstannyń Eńbek Eri» ataǵy berilgen.
Memleket basshysy sońǵy tórt jylda muǵalimderdiń jalaqysy eki ese óskenin atap ótip, 500 myńnan astam ustazǵa ústeme aqy tólenetinin jetkizdi. Pedagogter artyq jumystardan bosatylyp, nazaryn oqytý isine tolyq arnaýǵa múmkindik aldy.
«Búgin sanaly urpaq tárbielei alsaq, erteń zaman kóshiniń basynda júremiz. Sondyqtan bilim berý salasyn qoldaý – memlekettik saiasattyń basty basymdyǵy bolyp qala beredi», – dedi Prezident.
