Foto: Akorda.kz
Memleket basshysy Qasym-Jomart Toqaev Qytaiǵa memlekettik sapary aiasynda Qazaqstan Respýblikasynyń Sian qalasyndaǵy Bas konsýldyǵynyń saltanatty ashylý rásimine qatysty, dep habarlaidy "Ult aqparat" Aqordanyń resmi saityna silteme jasap.
Prezident konsýldyq ǵimaratynda Qytaiǵa jasaǵan memlekettik saparyn qorytyndylap sóz sóiledi.
– Tóraǵa Si Tszinpinmen óte mazmundy kelissózder júrgizdik. Sondai-aq birlesken málimdeme jasaldy, birqatar mańyzdy kelisimderge qol qoiyldy. Shyn máninde, bul sapar qazaq-qytai yqpaldastyǵynyń «30 jyldyq altyn dáýirin» bastady deýge bolady. Árine, bul sapardyń mán-maǵynasy erekshe. Búgin – Qazaqstan men Qytai yntymaqtastyǵy úshin taǵy da bir asa mańyzdy ári tarihi kún. Biz Sian qalasynda Qazaqstannyń Bas konsýldyǵyn ashqaly turmyz. Búginde Sian – «Bir beldeý – bir jol» ekonomikalyq beldeýiniń mańyzdy beketi. Shensi ólkesi jáne Sian qalasy Qazaqstanmen tyǵyz bailanys ornatqan. Soltústik Qazaqstan oblysymen jáne Shymkent qalasymen baýyrlastyq qatynas týraly kelisimge qol qoiyldy. Bul sharalar eki el arasyndaǵy barys-kelisti jandandyra túseri sózsiz. Bas konsýldyq osy yntymaqtastyqty odan ári damytýǵa úles qosady dep senemin, – dedi Qasym-Jomart Toqaev.
Sonymen qatar Memleket basshysy Bas konsýldyqty qysqa merzim ishinde ashýǵa qoldaý kórsetkeni úshin Qytai tarapyna rizashylyǵyn bildirdi. Memleket basshysy Sianda Bas konsýldyq ashý týraly tiisti jarlyqqa 2022 jyly 5 qarashada qol qoiǵan edi. Elimizdiń diplomatiialyq ókildigi jumys isteitin okrýgke 246 million halqy bar Shensi, Gansý, Sychýan, Hýbei provintsiialary, Ninsia-Hýei avtonomiialyq aýdany jáne ortalyqqa tikelei baǵynatyn Chýntsin qalasy kiredi.
Konsýldyq ǵimaratynda diplomattarmen qatar Qazaqstannyń ekonomikalyq múddesin ilgeriletý úshin ulttyq kompaniialardyń ókildikteri de ornalastyrylady.
Bas konsýldyqtyń ashylý rásimine QHR Memlekettik keńesiniń múshesi, Syrtqy ister ministri Tsin Gan qatysyp, Qytai úkimetiniń quttyqtaýyn jetkizdi. Qytailyq diplomattyń aitýynsha, Sian qalasynda Qazaqstannyń Bas konsýldyǵynyń ashylýy eki eldiń jan-jaqty strategiialyq yntymaqtastyǵy jańa deńgeige kóterilgenin bildiredi. Qazaqstan – Qytaidyń Shensi provintsiiasynda óziniń diplomatiialyq ókildigin ashyp otyrǵan Ortalyq Aziiadaǵy jalǵyz el.
