Prezident Shymkent munai óńdeý zaýytynyń óndiristik qýatymen tanysty, dep habarlaidy "Ult aqparat" Aqordanyń baspasóz qyzmetine silteme jasap.
Qasym-Jomart Toqaev Shymkent qalasyna jumys sapary barysynda Shymkent munai óńdeý zaýytyna bardy.
Zaýytty basqarýshy kompaniia – «Petro Qazaqstan Oil prodakts» JShS-niń prezidenti Erbolat Qojabaev Memleket basshysyna qaita jańǵyrtýdan ótken óndiristiń qazirgi jumysy týraly baiandady.
Búginde zaýyttyń jobalyq qýaty jylyna 6 million tonna munai óńdei alatyn deńgeige jetip, K-4, K-5 ekologiialyq sanatyndaǵy janar-jaǵarmai óndire bastaǵan.
Budan keiin zaýyt jumysshylarymen áńgimelesken Prezident óndiris ornynyń strategiialyq mańyzyna toqtaldy.
– Qazir zaýyt ishki naryqtyń 40 paiyzyn qamtamasyz etip otyr. Ónimniń sapasy da jaqsardy. Bul – óte aýqymdy jumys. Osynyń bári sizderdiń, iaǵni jumysshylardyń qajyrly eńbeginiń arqasynda múmkin bolyp otyr, – dedi Qasym-Jomart Toqaev.
Sońǵy úsh jylda zaýyttyń benzin óndirisi 2,1 million tonnaǵa, aviakerosin óndirisi 340 myń tonnaǵa, dizel otyny 1,9 million tonnaǵa deiin artqan. Ónim tolyqtai ishki naryqqa ótkiziledi.
