پرەزيدەنت شىمكەنت مۇناي ٶڭدەۋ زاۋىتىنىڭ ٶندٸرٸستٸك قۋاتىمەن تانىستى, دەپ حابارلايدى "ۇلت اقپارات" اقوردانىڭ باسپاسٶز قىزمەتٸنە سٸلتەمە جاساپ.
قاسىم-جومارت توقاەۆ شىمكەنت قالاسىنا جۇمىس ساپارى بارىسىندا شىمكەنت مۇناي ٶڭدەۋ زاۋىتىنا باردى.
زاۋىتتى باسقارۋشى كومپانييا – «پەترو قازاقستان ويل پروداكتس» جشس-نٸڭ پرەزيدەنتٸ ەربولات قوجاباەۆ مەملەكەت باسشىسىنا قايتا جاڭعىرتۋدان ٶتكەن ٶندٸرٸستٸڭ قازٸرگٸ جۇمىسى تۋرالى باياندادى.
بٷگٸندە زاۋىتتىڭ جوبالىق قۋاتى جىلىنا 6 ميلليون توننا مۇناي ٶڭدەي الاتىن دەڭگەيگە جەتٸپ, ك-4, ك-5 ەكولوگييالىق ساناتىنداعى جانار-جاعارماي ٶندٸرە باستاعان.
بۇدان كەيٸن زاۋىت جۇمىسشىلارىمەن ەڭگٸمەلەسكەن پرەزيدەنت ٶندٸرٸس ورنىنىڭ ستراتەگييالىق ماڭىزىنا توقتالدى.
– قازٸر زاۋىت ٸشكٸ نارىقتىڭ 40 پايىزىن قامتاماسىز ەتٸپ وتىر. ٶنٸمنٸڭ ساپاسى دا جاقساردى. بۇل – ٶتە اۋقىمدى جۇمىس. وسىنىڭ بەرٸ سٸزدەردٸڭ, ياعني جۇمىسشىلاردىڭ قاجىرلى ەڭبەگٸنٸڭ ارقاسىندا مٷمكٸن بولىپ وتىر, – دەدٸ قاسىم-جومارت توقاەۆ.
سوڭعى ٷش جىلدا زاۋىتتىڭ بەنزين ٶندٸرٸسٸ 2,1 ميلليون تونناعا, اۆياكەروسين ٶندٸرٸسٸ 340 مىڭ تونناعا, ديزەل وتىنى 1,9 ميلليون تونناعا دەيٸن ارتقان. ٶنٸم تولىقتاي ٸشكٸ نارىققا ٶتكٸزٸلەدٸ.
