Elimizdiń týristik tartymdylyǵyn arttyrǵymyz kelse, jýyq arada sheteldikterdi mindetti tirkeý siiaqty anahronizmnen qutylý kerek. QR Prezidenti Qasym-Jomart Toqaev Almaty qalasyn damytý máseleleri jóninde keńeste osylai málimdedi, dep habarlaidy "Ult aqparat" Aqordaǵa silteme jasap.
Jiynda Qazaqstan Prezidenti Almaty qalasyndaǵy biznes ahýaldy jaqsartý jáne onyń investitsiialyq tartymdylyǵyn arttyrý jónindegi jumystardy jandandyrýdy tapsyrdy.
«Eger biz elimizdegi iri qalalardyń, jalpy elimizdiń investitsiialyq jáne týristik tartymdylyǵyn shynymen arttyrǵymyz kelse, jýyq arada sheteldikterdi kóshi-qon politsiiasy organdarynda mindetti tirkeý siiaqty anahronizmnen qutylý kerek», - dedi Qasym-Jomart Toqaev.
Ómir sapasyn arttyrý men qalanyń infraqurylymyn damytý isin qamtamasyz etý máseleleri de Memleket basshysynyń nazarynan tys qalmady.
«Biz Almatyny halyqaralyq biznes jáne týrizm ortalyǵy retinde kórsetemiz. Sondyqtan qala turǵyndarynyń ómir súrý sapasyn arttyrý jónindegi barlyq jumys halyqaralyq standarttarǵa sai beiimdelýi tiis. Eń bastysy, azamattarǵa qalada ómir súrý qolaily ári jaily bolýy kerek. Buǵan úige baratyn joldyń bolýy, áleýmettik infraqurylymnyń jaqyn ári qoljetimdiligi, sapaly aýyzsýmen, gazben, úzdiksiz elektr qýatymen jáne jylýmen qamtamasyz etilýi siiaqty birqatar faktorlar áser etedi», - dedi Qasym-Jomart Toqaev.
